នាយកដ្ឋាននគរបាលព្រហ្មទណ្ឌ បើកកិច្ចប្រតិបត្តិការស្រាវជ្រាវបង្ក្រាបករណីឃាតកម្មទៅលើជនជាតិចិន កាលពីថ្ងៃ១៥ ខែវិច្ឆិកា ឆ្នាំ២០២៥ នៅខេត្តត្បូងឃ្មុំ

កាលពីយប់ថ្ងៃទី១៥ ខែវិច្ឆិកា ឆ្នាំ២០២៥ វេលាម៉ោង ២៣៖០៧នាទី កម្លាំងសមត្ថកិច្ចទទួលព័ត៌មានថា មានជនជាតិចិន ភេទប្រុស ០១នាក់ស្លាប់ ស្ថិតនៅភូមិត្រពាំងផ្លុង១ ឃុត្រពាំងផ្លុង ស្រុកពញាក្រែក ខេត្តត្បូងឃ្មុំ។

បន្ទាប់ពីទទួលបានព័ត៌មានភ្លាមនោះ ដោយមានការចង្អុលបង្ហាញពីឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការណែនាំពីលោកឧត្តមសេនីយ៍ឯក អគ្គស្នងការរង មួង សុធា ទទួលដឹកនាំនាយកដ្ឋានកណ្ដាលនគរបាលយុត្តិធម៌, លោកឧត្តមសេនីយ៍ឯក យឹម លាង អគ្គស្នងការរង, លោកឧត្តមសេនីយ៍ទោ ហ៊ុន គឹមជាតិ ប្រធាននាយកដ្ឋានកណ្ដាលនគរបាលយុត្តិធម៌ និងមានការបញ្ជាផ្ទាល់ពីលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, លោឧត្តមសេនីយ៍ទោ ស៊ិន រដ្ឋា អនុប្រធាននាយកថ្ឋានព្រហ្មទណ្ឌ និងលោកឧត្តមសេនីយ៍ត្រី ខេង ម៉េងឈាង រួមទាំងក្រុមការងារស្រាវជ្រាវ បង្កាបង្ក្រាបបទល្មើសព្រហ្មទណ្ឌរបស់នាយកដ្ឋានព្រហ្មទណ្ឌ សហការជាមួយស្នងការដ្ឋាននគរបាលខេត្តត្បូងឃ្មុំ ដោយមានការសម្របសម្រួលពីតំណាងអយ្យការ ខេត្តត្បូងឃ្មុំ លោក រ៉ា ប៊ុនរ៉ាឌី បានធ្វើការស្រាវជ្រាវដឹងថា ករណីខាងលើជាករណីឃាតកម្ម។

រហូតមកដល់ថ្ងៃទី១៧ ខែវិច្ឆិកា ឆ្នាំ២០២៥ កម្លាំងជំនាញបានកំណត់មុខសញ្ញា និងធ្វើការឃាត់ខ្លួនជនសង្ស័យចំនួន ០៥នាក់៖
១-ឈ្មោះ ZHENG JIE (ចេង ជៀ)
២-ឈ្មោះ CHEN SHANG (ចេន សាំង)
៣-ឈ្មោះ ZHANG JILONG (ចាង ជីឡុង)
៤-ឈ្មោះ CHEN SHANG HUI (ចេន សាំង ហ៊ុយ)
៥-ឈ្មោះ ZHANG DE CHEN (ចាង ដឺ ចេន។

ក្នុងនោះរំដោះជនរងគ្រោះបាន ០៧នាក់ ដកហូតបានវត្ថុតាងធ្វើសកម្មភាពរួមមាន៖ ដំបងជ័រចំនួន ០៣ដើម, ឧបករណ័ឆក់ចំនួន០១, រថយន្តចំនួន ០១គ្រឿ។

បច្ចុប្បន្នជនសង្ស័យ និងជនរងគ្រោះរួមទាំងវត្ថុតាង បានប្រគល់ជូនស្នងការរដ្ឋាននគរបាលខេត្តត្បូងឃ្មុំ ជាម្ចាស់ករណី ដើម្បីធ្វើការសាកសួរ និងកសាងសំណុំរឿងតាមនីតិវិធី៕