ខេត្តតាកែវ៖ នៅព្រឹកថ្ងៃព្រហស្បតិ៍ ទី១៩ ខែវិច្ឆិកា ឆ្នាំ២០២៦ នេះ ក្រុមប្រឹក្សាខេត្តតាកែវ បានរៀបចំវេទិកាផ្សព្វផ្សាយ និងពិគ្រោះយោបល់ ឆ្នាំទី៣ អាណត្តិទី៤ របស់ខ្លួន នៅបរិវេណសាលាស្រុកត្រាំកក់ ខេត្តតាកែវ ក្រោមអធិបតីភាព ឯកឧត្តម លោកជំទាវ សមាជិកក្រុមប្រឹក្សាខេត្ត និងលោកអភិបាលរងនៃគណៈអភិបាលខេត្តតាកែវ។

ពិធីនេះមានការអញ្ជើញចូលរួមយ៉ាងច្រើនកុះករពីសំណាក់ លោកអភិបាលស្រុក និងអភិបាលរងស្រុកត្រាំកក់ កងកម្លាំងប្រដាប់អាវុធទាំងបីប្រភេទ (នគរបាល អាវុធហត្ថ និងនាយទាហាន) លោក-លោកស្រីមេឃុំ មន្ត្រីរាជការ ប្រធាន-អនុប្រធានមន្ទីរអង្គភាពជុំវិញខេត្ត ព្រមទាំងតំណាងប្រជាពលរដ្ឋមកពីបណ្តាឃុំនានាក្នុងស្រុកត្រាំកក់ជាច្រើនរូប។

វេទិកាផ្សព្វផ្សាយ និងពិគ្រោះយោបល់នេះ ត្រូវបានរៀបចំឡើងក្នុងគោលបំណងសំខាន់ៗដូចខាងក្រោម៖

ផ្សព្វផ្សាយព័ត៌មាន៖ ជម្រាបជូនប្រជាពលរដ្ឋអំពីសមិទ្ធផលការងារ និងផែនការអភិវឌ្ឍន៍នានា ដែលក្រុមប្រឹក្សាខេត្ត និងគណៈអភិបាលខេត្ត សម្រេចបាននាពេលកន្លងមក។

ស្តាប់កង្វល់ និងសំណូមពរ៖ ផ្តល់ឱកាសឱ្យប្រជាពលរដ្ឋ និងអ្នកពាក់ព័ន្ធ បញ្ចេញមតិយោបល់ លើកឡើងពីបញ្ហាប្រឈម កង្វល់ និងសំណូមពរនានានៅតាមមូលដ្ឋាន ពាក់ព័ន្ធនឹងការផ្តល់សេវាសាធារណៈ ហេដ្ឋារចនាសម្ព័ន្ធ សន្តិសុខសណ្តាប់ធ្នាប់ និងការអភិវឌ្ឍមូលដ្ឋាន។

ដោះស្រាយ និងឆ្លើយតប៖ ធ្វើការបកស្រាយបំភ្លឺ និងដាក់ចេញនូវវិធានការដោះស្រាយភ្លាមៗចំពោះបញ្ហាដែលអាចដោះស្រាយបាន និងទទួលយកសំណើដែលនៅសេសសល់ ដើម្បីដាក់បញ្ចូលទៅក្នុងផែនការសកម្មភាពសម្រាប់ដោះស្រាយជូនពលរដ្ឋឱ្យបានទាន់ពេលវេលា និងមានប្រសិទ្ធភាព។

ក្នុងឱកាសនោះ គណៈអធិបតីបានជំរុញ និងលើកទឹកចិត្តដល់អាជ្ញាធរមូលដ្ឋាន មន្ទីរជំនាញ និងកងកម្លាំងមានសមត្ថកិច្ចគ្រប់លំដាប់ថ្នាក់ បន្តយកចិត្តទុកដាក់ខ្ពស់ក្នុងការបម្រើសេវាសាធារណៈជូនប្រជាពលរដ្ឋឱ្យកាន់តែល្អប្រសើរ ប្រកបដោយតម្លាភាព និងគណនេយ្យភាព ព្រមទាំងរក្សាឱ្យបាននូវភូមិ-ឃុំមានសុវត្ថិភាព ដើម្បីរួមចំណែកអភិវឌ្ឍន៍ស្រុកត្រាំកក់ ក៏ដូចជាខេត្តតាកែវទាំងមូល ឱ្យកាន់តែរីកចម្រើនថែមទៀត។


Leave a Reply

Your email address will not be published. Required fields are marked *

You missed