ថ្ងៃសៅរ៍ ៥កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៦
ខេត្តពោធិ៍សាត់៖ រដ្ឋបាលឃុំត្នោតជុំ ស្រុកក្រគរ ខេត្តពោធិ៍សាត់ ដឹកនាំដោយលោកមេឃុំ បាននាំយកអំណោយសប្បុរសធម៌ទៅចែកជូនប្រជាពលរដ្ឋដែលមានជីវភាពខ្វះខាត ចំនួន ៣គ្រួសារ ស្ថិតនៅចំណុចខ្លាកូន ភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់។
សកម្មភាពមនុស្សធម៌នេះ បានបង្ហាញពីការយកចិត្តទុកដាក់ និងស្មារតីទទួលខុសត្រូវរបស់អាជ្ញាធរមូលដ្ឋាន ក្នុងការគិតគូរដល់សុខទុក្ខ និងជីវភាពរស់នៅរបស់ប្រជាពលរដ្ឋ ជាពិសេសគ្រួសារដែលកំពុងជួបការលំបាក។
ទឹកចិត្តសប្បុរសធម៌ និងការចុះជួបប្រជាពលរដ្ឋដោយផ្ទាល់ គឺជាការចែករំលែកក្តីស្រឡាញ់ និងក្តីអាណិតអាសូរ ព្រមទាំងជាការលើកទឹកចិត្តដល់គ្រួសារខ្វះខាតឱ្យមានភាពកក់ក្តៅ និងទទួលបានការយកចិត្តទុកដាក់ពីអាជ្ញាធរមូលដ្ឋាន។
សកម្មភាពនេះក៏ជាការឆ្លុះបញ្ចាំងពីតួនាទីរបស់អាជ្ញាធរឃុំ ក្នុងការបម្រើប្រជាពលរដ្ឋដោយមិនបំភ្លេចពីសុខទុក្ខរបស់អ្នកដែលកំពុងត្រូវការជំនួយក្នុងមូលដ្ឋានផងដែរ។



