{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false}

ខេត្តតាកែវ៖ នៅរសៀលថ្ងៃទី១៩ ខែតុលា ឆ្នាំ២០២៦ ឯកឧត្តម ទួន ស៊ីផាន់ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកត្រាំកក់ ខេត្តតាកែវ បានដឹកនាំគណៈប្រតិភូ អមដំណើរដោយលោក ហ៊ត មានោ អភិបាលនៃគណៈអភិបាលស្រុកត្រាំកក់ អញ្ជើញចូលរួមក្នុងពិធីបុណ្យសពលោកវរសេនីយ៍ឯក ជិន សារឿន ដែលបានទទួលគ្រោះថ្នាក់រហូតបាត់បង់ជីវិត ក្នុងពេលបំពេញភារកិច្ចយោធា។

ក្នុងឱកាសដ៏សោកសង្រេងនេះ ឯកឧត្តម ទួន ស៊ីផាន់ និងគណៈប្រតិភូ បាននាំយកលិខិតរំលែកមរណទុក្ខ ព្រមទាំងថវិកាមួយចំនួន ប្រគល់ជូនក្រុមគ្រួសារសព ដើម្បីចូលរួមរំលែកទុក្ខ និងជួយសម្រាលបន្ទុកចំណាយក្នុងការរៀបចំពិធីបុណ្យសព។

វត្តមានរបស់ថ្នាក់ដឹកនាំ និងគណៈប្រតិភូនាពេលនេះ មិនត្រឹមតែជាការចូលរួមរំលែកមរណទុក្ខប៉ុណ្ណោះទេ ប៉ុន្តែថែមទាំងបង្ហាញពីស្មារតីយកចិត្តទុកដាក់ សាមគ្គីភាព និងការមិនទុកឱ្យក្រុមគ្រួសាររបស់យោធិនដែលបានបាត់បង់ជីវិតក្នុងពេលបំពេញភារកិច្ច ត្រូវប្រឈមនឹងទុក្ខលំបាកតែម្នាក់ឯងឡើយ។

ការបាត់បង់លោកវរសេនីយ៍ឯក ជិន សារឿន គឺជាទុក្ខសោកដ៏ធំធេងសម្រាប់ក្រុមគ្រួសារ និងញាតិមិត្ត ជាពិសេសការបាត់បង់មនុស្សជាទីស្រឡាញ់ម្នាក់ ដែលបានបំពេញតួនាទី និងភារកិច្ចក្នុងជួរកងយោធា។

ទោះបីជាថវិកា និងជំនួយសម្ភារៈមិនអាចជំនួសអាយុជីវិតដែលបានបាត់បង់ក៏ដោយ ប៉ុន្តែការចូលរួមរំលែកទុក្ខដោយផ្ទាល់ពីសំណាក់ថ្នាក់ដឹកនាំ គឺជាការលើកទឹកចិត្តផ្នែកស្មារតីដ៏មានអត្ថន័យសម្រាប់ក្រុមគ្រួសារសព ក្នុងគ្រាដែលកំពុងជួបប្រទះនូវការបាត់បង់ដ៏ឈឺចាប់នេះ។

សូមចូលរួមរំលែកមរណទុក្ខយ៉ាងក្រៀមក្រំបំផុតចំពោះក្រុមគ្រួសារសពលោកវរសេនីយ៍ឯក ជិន សារឿន និងសូមឧទ្ទិសកុសលផលបុណ្យ ជូនដល់វិញ្ញាណក្ខន្ធរបស់លោក បានទៅកាន់សុគតិភព កុំបីឃ្លៀងឃ្លាតឡើយ។

 

 

 

 

 


Leave a Reply

Your email address will not be published. Required fields are marked *

You missed